განათების დღე

“განათება, როგორც ცხოვრების მდგრადი წყარო”

21 სექტემბერს, დიზაინ ინსტიტუტში, AT Architect_ის ორგანიზებით საქართველოში პირველი საინფორმაციო შეხვედრა/კონფერენცია ჩატარდა განათების დიზაინის შესახებ, სადაც ქართველ პროფესიონალებთან ერთად “განათება, როგორც ცხოვრების მდგრადი წყარო” თემის ირგვლივ ისაუბრა ორმა საერთაშორისო განათების დიზაინერმა.  ლორენცო ბრუსკალიონმა თემით - “განათების დიაზაინი - წარმატებული პროექტის გასაღები” და კატია კოლოვეამ - “როგორ გარდაქმნის სინათლე სივრცეს ​​და ადამიანის გამოცდილებას.”

ღონისძიებას ესწრებოდნენ საბერძნეთის ელჩი მარია თეოდორუ, იტალიის ელჩის მოადგილე ფაბიოლა ალბანეზე, არქიტექტორები, ინტერიერის დიზაინერები და ბიზნეს სექტორის წარმომადგენლები.

შეხვედრაზე კატია კოლოვეამ აღნიშნა რომ განთება არის ყველგან, დაწყებული ბუნებრივი განათებით გაგრძელებული ხელოვნური განთებით. როცა განათება მანიპულირებს სხვადასხვა ფორმებზე, სხვადასხვა კომბინაციით იქმნება შთამბეჭდავი შედეგები არქიტექტურაში, დიზაინსა თუ ხელოვნებაში… განათება არის საერთაშორისო, უნივერსარული ენა, რომელიც ავრცელებს სხვადასხვა შეტყობინებებს გვესმის თუ არა ერთმანეთის. თითოეული ადამიანის ცხოვრებას აქვს ემოციური კავშირი განათებასთან, დაწყებული საზეიმო ტორტზე სანთლების ჩაქრობით, დამთავრებული გასაოცარი მზის ჩასვლის ყურებით.

სწორედ, განათება აყალიბებეს ჩვენს შთაბეჭდილებას კონკრეტულ სივრცეზე და გვკარნახობს ამ სივრცეში ქცევის წესებს.

ლორენცო ბრუსკალიონმა შეხვედრის მონაწილეებს გაუზიარა თავისი გამოცდილება და პროექტირების პროცესის თითოეული დეტალი, განათების დიზაინის ისეთ პროექტებზე მუშაობისას, როგორიცაა იტალიის პავილიონი დუბაიში, Bulgari-ის ინსტალიაცია, და სხვადასხვა ლაქშერი რითეილ სივრცეები. ისაუბრა თუ რამდენად მნიშვნელოვან როლს ასრულებს განათების დიზაინერის დროული ჩართვა არქიტექტურულ და ინტერიერის პროექტებში, რათა კარგად დაგეგმარებულმა განთების დიზაინმა ხაზი გაუსვას სწორ და მნიშვნელოვან დეტალებს.

ამასთანავე, რატომ არის განათების დიზაინი საჭირო, ისაუბრა კონფერეციის ორგანიზატორმა, არქიტექტორმა/განათების დიზაინერმა ანა თავართქილაძემ, რომლემაც აღნიშნა თუ რამხელა როლს თამაშობს სწორად დაგეგმარებული განათება ადამინის ბიოლოგიურ რიტმზე, შრომისუნარიანობაზე და მენტალურ ჯანმრთელობაზე, რაც კვლევებითაც დასტურდება.

ადამიანზე მორგემული განათება სკოლებში და ოფისებში 19%_ით აუმჯობესებს სამუშაოს შესრულების ხარისხს; 27%_ით ამცირებს დაღლილობას და 37%_ით აუმჯობესებს კონცენტრაციის უნარს;

ჯანდაცვის სფეროში, კარდიოლოგიური პაციენტები, რომლებიც განთავსებული იყვნენ ისეთ სივრცეში, სადაც განათების კონტროლი ხდებოდა 2ჯერ სწრაფად გამოჯანმრთელდნენ.

ხოლო მენტალური პრობლემების მქონე პაციენტებში განწყობის გაუმჯობესება 2 კვირაში შეინიშნებოდა, როდესაც ანტიდეპრესანტებს მინიმუმ 4-5 კვირა სჭირდება.

და შეხვედრის ბოლოს კი, “ჭკვიანი სახლის” წარმომადგენელმა სტუმრებს გააცნო სხვადასხვა ტიპის დისტანციური და ავტომატური მართვითი სისიტემები. ისაუბრა, განათების მართვის ტექნოლოგიური შესაძლებლობების მნიშვნელობაზე თანამედროვე ცხოვრებაში, რაც კომფორტის გარდა ხელს უწყობს ენერგოეფექტურობას. ელექტრო ენერგიის მოხმარების 11% განთებას უკავია და სწორად შერჩეული განთების გარდა, ასევე გონივრულად დაგეგმარებული მართვის სისტემები გვაძლევს შესაძლებლობას შევამციროთ კომუნალური გადასახადები და ვიზრუნოთ გარემოზეც.

განათების დიზაინერები არიან განათების ექსპერტები. ისინი ისწრაფვიან შექმნან საუკეთესო განათება ყველასთვის, ეს იქნება ინდივიდუალური ხელოვნების ნიმუში, ერთი ოთახი, მთელი სახლი, არქიტექტურული პროექტი თუ ინტერიერის დიზაინი.

განათების დიზაინერები გთავაზობენ მეტს ვიდრე უბრალო ნახაზები ან/და გამოთვლებია. ისინი არ ყიდიან ან ყიდულობენ პროდუქტებს. ყურადღებას აქცევენ თითოეულ დეტალს და ტექნიკურ მახასიათებლებს, სწორი აქცენტების შესაქმნელად. სპეციალიზირებული ცოდნა მათ საშუალებას აძლევთ გამოიყენონ განათების მრავალი სახე, რომელიც ყველაზე უკეთ ერგება თქვენს სიტუაციას, სურვილებსა თუ კომფორტს, რათა განათების დახმარებით შექმნან საუკეთესო ატმოსფერული გამოცდილება.

ღონისძიების მხარდამჭერები: იტალიის საელჩო; ჭკვიანი სახლი; დილაითი; დიზაინის ინსტიტუტი; IED, The Diary; Homeis; სასტუმრო Castor & Pollux; AILD; Archifos

მეტი ფოტო: https://shorturl.at/BvG0x